NADA, de Jane Teller, por Lucía Tudó (3º ESO)

Hai libros moi longos e outros moi curtos que se fan moi pesados. No entanto, Nada é un libro pequeniño pero cun grande significado. Plantéxanos moitas preguntas que van a estar presentes nalgúns momentos da nosa vida e que nos van axudar a sacar diversas conclusións. A autora, Jane Teller, fai que reflexionemos acerca destas cuestións ao longo da novela.

Eu paseino moi ben coa lectura deste libro. É o tipo de libro que non podes deixar de ler porque tes a necesidade de saber o que ocorre cada vez que pasas a páxina. Fascinoume o tola que se pode volver a xente buscando algo que non van atopar, polo simple feito de non querer asumir a verdade. Pierre Anthon, o protagonista, ten parte de razón: a vida, por si soa, non ten ningún sentido, pero nós temos que buscalo. E diso trata porque, como di a autora "quizais non teñas as respostas a todo, pero non importa porque, ¿non é a vida máis fantástica polo feito de non saber por que nin para que estamos aquí?".

Estou totalmente en desacordo con que se prohíbira este libro nalgúns países de Europa, porque cadaquén ten dereito a pensar o que queira. Por iso quero recomendarvos a todos a lectura desta novela, paga a pena!